Ты нагадваеш мне Менск

"Ты нагадваеш мне Менск," - казаў ён сваёй мацi, - "бо, нягледзячы на ўзрост, такая ж прыгожая".

"Ты нагадваеш мне Менск," - казаў ён сваёй жонцы, - "бо люблю цябе ўжо шмат год".

"Ты нагадваеш мне Менск," - казаў ён сваёй палюбоўнiцы, - "бо такая ж звонку чыстая, а ўнутры - адзiн бруд".

"Ты нагадваеш мне Менск," - казаў ён свайму сыночку, - "бо такi ж маленькi ды не спыняеш усiх зьдзiўляць".

"Ты нагадваеш мне Менск," - казаў ён свайму босу, - "бо такi ж жорсткi ды абыякавы".

"Ты нагадваеш мне Менск," - казаў ён Менску, - "бо ты сапраўдны, бо ты жывеш, бо я нарадзiўся ў табе, бо я зьнiкну ў табе".

Менск маўчаў...

05.01.2004

Тэкст: Alex_Eeire_Avis

Вярнуцца ў раздзел артыкулы  >>>